Latest News


Jan 07, 2018

Хилийн чанад дахь Монголчууд

Хилийн чанад дахь Монголчуудаа,

Хилийн чанад дахь Монголчуудын зөвлөл (ХЧМЗ), ГХЯ хамтран дараах ДЭЛХИЙН УЛС ОРНУУД ДАХЬ МОНГОЛЧУУДЫН МЭДЭЭЛЛИЙН САН бүртгэлийг хийж байгаа юм.

Овог, Нэр
Улс, хот
Байгууллага, мэргэжил, албан тушаал
холбоо барих утас, майл, сошиал хаяг

Та бүхэн өөрсдийн мэдээллээ ирүүлэхийг хүсье.

Баярлалаа
---------------------------------
Тайлбар мэдээлэл:

Дэлхийн улс орнуудад өндөр мэдлэг, боловсрол, технологи, ур чадвар эзэмшин олон улсын байгууллага, гадаадын пүүс компаниудад нэр төртэйгээр ажиллаж буй болон хувиараа амжилттай бизнес эрхлэгч монгол иргэдийн талаарх мэдээллийг нэгтгэх, бүртгэх, цуглуулах уг мэдээлэлд тулгуурлан “Дэлхийн Улс Орнууд дахь Монголчуудын мэргэжил, чадварын Мэдээллийн сан” боловсруулах төсөлд та өөрийн хувь нэмрээ оруулна уу.

Энэхүү “Дэлхийн Улс Орнууд дахь Манлайлагч Монголчуудын Мэдээллийн Сан” үүсгэх ажлыг Монгол Улсын Гадаад Харилцааны Яам болон Хилийн чанад дахь Монголчуудын зөвлөл ТББ хариуцан зохион байгуулах бөгөөд ажлын хэрэгжилтэд хяналт тавина.

Эх орноо хилийн чанадад сурталчилж, Монгол улсынхаа нэр төрийг дэлхийд өргөж яваа Дэлхийн Улс Орнууд дахь монгол иргэдийн эх орныхоо хөгжилд оруулж буй хувь нэмэр, оролцоо, байгуулсан гавьяаг / үнэн бодит мэдээлэлд тулгуурлан тодруулах / олон нийтэд таниулан сурталчлах, түгээн дэлгэрүүлэх, улмаар төр засгийн зүгээс үнэлүүлэх, урамшуулах, тэдэнтэй хамтран ажиллах бололцоог олгох, ирээдүй хойч үедээ үлгэр дуурайл болгох, хэрэгцээт салбар, байгууллагуудтай холбох гүүр бий болгоход энэхүү төслийн зорилго оршино.

Мэдээлэл, санал өгөх :
https://goo.gl/forms/51psBmOQcfgwrd5H2

Төслийн багийн зүгээс
таны санал болгосон хүмүүстэй холбогдож, төсөл бүртгэлийн зорилго, хамрах хүрээг танилцуулах ба өөрийн зөвшөөрлийг үндэслэн, дэлгэрэнгүй мэдээллийг бүрдүүлэх, хувийн мэдээллийг ямар нөхцөлд дамжуулж болох, ямар мэдээлэл тухайн хүнд хүргэж болохийг чиглэл чиглэлийн ангилалаар тусгайлсан сонголтоор авах болно.

Мөн мэдээллийн үнэн зөв байдлыг нягтлах, мэдээлэлд гарсан өөрчлөлтийг шинэчилэн бүртгэж явах бөгөөд бичиж ирүүлсэн хувийн мэдээллийг төслийн зорилгоос бусад хэлбэрээр гуравдагч этгээдэд аливаа хэлбэрээр дамжуулахгүй, алдахгүй байх мэдээллийн сангийн нууцлалыг хариуцан ажиллана.

Мэдээллийг 2017 оны 6 сараас эхлэн хүлээн авч байна. Төслийн эхний судалгааны шат дууссан үед дахин зарлан мэдээлэл авах хугацааг хаах болно.

https://docs.google.com/forms/d/e/1FAIpQLScs29I1J423p8Jc5M_oJp5tm3R23oQ0RuBWOCGEvzM3OWh7lg/viewform



Jan 07, 2018

Америкийн Монголчуудад хандах нь

Сайн байцгаана уу , Америкад оршин суугаа монголчууд аа?
Та бүхний шинэ оны ажил хөдөлмөрийн гараа амжилттай биз дээ?
Бид “Америк дахь монголчуудын Монгол улсын эдийн засагт оруулж буй хувь нэмэр” судалгаа явуулж байсныг санаж байгаа байх.
Энэ судалгааны асуултад хариулаагүй үлдсэн хүн байвал https://docs.google.com/…/1j4RoKYacBP8Zzka6U3NzxB6vsDB…/edit линкээр хариулж туслана уу.
Санал асуулга энэ оны 1 сарын 15-нд хаагдана.

Баярлалаа.


Jan 07, 2018

2018 оноос хэрэгжих Монголчуудад хамааралтай хуулиуд

Калифорнид болон Америкт 2018 оноос хэрэгжих хуулиудаас Монголчуудад хамааралтай тал дээр судалж үзлээ.

Ажилчид ба ажил олгогчид:
2018 оноос Америкт хэрэгжиж байгаа татварын хуульд шинээр оруулж ирсэн provison-ийн ачаар ихэнх монгол бизнесүүдийн бүртгүүлдэг sole proprietor, partner proprietor төрлийн бизнесүүд орлогынхоо 20 хүртэлх хувиа (individual income $157,500, couples filing jointly $315,000 дээш орлоготой бол) авч үлдэх боломжтой болж байгаа юм. Гэр бүлийн татвартаа бизнесээ оруулж бодохдоо хувь хүнд ноогдох татвараа давхар төлдөг бөгөөд хэрэв энэ жилийн гэр бүлийн бизнесийн орлого чинь 315K-ээс дээш бол 20K хасахыг (2019 онд бодохдоо) зөвшөөрнө гэсэн үг.
Үүнийг ашиглаад өмнө нь татварын алба, labor department-аас misclassfication гээд зөвшөөрдөггүй байсан зарим хүмүүсээ ажилчид биш гэрээт ажилчнаар (contractor буюу 1099 өгнө гэсэн үг) ажилд авбал цалин хөлсний зардлаа багасгах боломжтой юм гэж санхүүч нар зөвлөж байна. Дээр нь гэрээт ажилчдад цалингийн доод хэмжээ, илүү цаг гэсэн нөхцөл байхгүйн дээр аюул ослын даатгал, суутгалуудыг төлөхгүй. Гэхдээ benefit, аюул ослын даатгал зэргээ зарим ажилчид алдахыг хүсэхгүй байж магад тул сайн ажилчдадаа алдахыг хүсэхгүй бол аль нь дээр болохыг өөрсдөө сонгоно бизээ. Энэ оноос ямар шинэчлэлт хийхээ эртхэн нягтлан бодогч, татвар бодогч нартайгаа ярьж, зөвлөгөө аваарай. Харин энэ жилээс санхүүгийн зөвлөгөө, үнэт цаасны хөрөнгө оруулалтын зардлаа болон өмнө тооцоогүй бизнесийн зардлаа хасч болдог байсныг болиулж байгааг анхаарна бизээ.
Миний бодлоор харин ажилчдын хувьд энэ нь 2 талтай. Нэг талаас өөрийн цаг, нөхцөлдөө тохируулж ажил олох боломж тань нэмэгдэнэ. Нэгэнт гэрээт ажилчнаар гэрээ хийгдвэл цалингаас чинь суутгах хийгдэхээ болих бөгөөд харин жилийн эцэст бизнес эрхлэгч гэдгээр татвараа бөглөж өөрөө нийгмийн даатгал зэргээ болон татвараа төлнө. Нөгөө талаас сайн хангамжтай газар ажилладаг бол, аюул ослын даатгал зэрэг хамгаалалтуудаа алдана гэсэн үг. Хэрэв ажил олгогч нь ийм гэрээ санал болговол энэ бүгдийг тоцоолж үзнэ бизээ.

Калифорнид
- Ажил олгогчид таны өмнөх ажил дээрээ хэдийг авч байсныг асуух эрхгүй. Харин та сайн дураараа ажилд орох өргөдөл дээрээ бичиж болно.
- Цалингийн доод хэмжээ 50 центээр нэмэгдэж байгаа. 26 түүнээс дээш ажилчидтай байгууллагад $11, түүнээс цөөн ажилчидтай газар $10.50
- 20-49 тооны ажилчидтай ажил олгогчид хүүхдээ төрүүлэх эхчүүдэд 12 долоо хоногийн цалингүй чөлөө санал болгох ёстой.
- 5 болон түүнээс дээш ажилчидтай улсын болон хувийн секторын ажил олгогчид нөхцөл бүхий ажил санал болгосны дараа тэдний background check-ийг хийж болно.

Калифорни Sanctuary state буюу цагаагчдын хамгаалалтын муж болж нэгдсэн улсын хатуу бодлогуудын эсрэг цагаачлалын тал дээр дараахь хуулиуд энэ жилээс хэрэгжиж эхэлнэ. Үүнд:
- Цагдаа нар цагаачлалын статусын талаар асуулт тавих эрхгүй. Хэрэв асуувал хариулах хэрэггүй бөгөөд хууль бус гэдгийг нь тэдэнд хэлэх хэрэгтэй. Цагдаад баричвлагдсан хүмүүсээс тодорхой тооны хүнд гэмт хэрэг хийсэн нь батлагдсанаас бусад хүмүүсийг цагаачлалын шоронд шилжүүлэхийг нь хориглож байгаа. Гэмт хэргийн хохирогч, гэрчүүдийг мөн шилжүүлэхийг хориглосон.
- Байр хөлслөгч байрны эзэд, байгууллагуудыг байр хөлсөлгчдийн цагаачлалын статусыг мэдэгдэхийг хориглосон. Мөн тэд байр хөлсөлсөн хүмүүсийг цагаачлалын асуудлаар далимдуулан сүрдүүлэг хийвэл их хэмжээний торгууль төлнө
- Нэгдсэн улсын цагаачлалын албаны ажилтнууд шүүхийн тогтоол (warrant)-гүйгээр ажлын байранд баривчлагаа хийх, ажилчдын бүртгэлийг үзэхийг хориглосон. Ажил олгогч ажилчдадаа баривчлагаа явагдах талаар 72 цагийн өмнө анхааруулаагүй тохиолдолд торгууль төлнө. Мэдээж гэр орон, хувийн эзэмшил дээр шүүхийн зөвшөөрөлгүйгээр хүчээр орох эрх тэдэнд хэзээ ч байгаагүй. Тэднийг хаалга тогшсон тохиолдолд warrant байгаа эсэхийг асуу. Үгүй бол хаалгаа шууд хаа. Онгорхой орхисон тохиолдолд болон та өөрөө орж болох уу гэхэд нь ор ор гэсэн бол таныг өөрөө зөвшөөрөл өгсөнд тооцно. Өчигдөр нэг бичлэг дээр нэг ажилчныг нь баривчлах үед нь нэг нь та нарыг ор гэж би зөвшөөрөл өгөөгүй, та нар зөвшөөрөлгүй орж ирж хууль зөрчсөн гээд хэлээд шууд бичлэг хийгээд баталгаа болгосон. Нөгөө хүнийг нь цагийн дараа сулласан байна лээ.

Калифорнийн монголчуудад хамааралтай байж магадгүй бусад хуулиуд.
- Төрсний гэрчилгээ, жолооны үнэмлэх дээрээ хүйс сонгохгүй байж болно.
- 1/1-ээс marijuana худалдаа хууль ёсны болж байгаагаар 21, түүнээс дээш насны хүн 1 унц өвсийг зөвшөөрөлтэй худалдаалах төвөөс худалдаж авч болно. 21-ээс доош насны хүнд худалдахыг хориглож байгаа. Мөн сургууль, коллежийн дэвсгэрт хэрэглэхийг хориглосон. Мансууралтай жолоо баривал согтуугаар барьсантай адил шийтгэлтэй. 6/1-ээс машиндаа онгорхой савтай өвс авч явахыг хориглож байгаа.
- Бууны сумыг зөвхөн зөвшөөрөлтэй дэлгүүрээс худалдаж авна. Онлайнээр худалдаж авсан сумыг заавал өөрийн биеэр очиж авна. Сургуулийн ажилтан, багш нар сургууль дээр буу авч явахыг нь хориглосон байна.
-Бармэн, барны ажилчдад үйлчлүүлэгчдийнхээ гэртээ харих унааны мөнгийг төлж болно.
Та бүхэндээ сайн сайхныг хүсье.


Д. Баяраа (FB: Bayaraa Dagva)



Dec 01, 2017

Тавтай морилно уу

Чикагочууддаа болон манай сайтын хэрэглэгч, үйлчлүүлэгч нартаа 2018 он мэнд хүргээд сайн сайхан бүхнийг хүсье! Манай вебсайт нь 2006 оноос хойш Чикаго орчимд амьдардаг монголчуудынхаа хэрэгцээг хангах, мэдээлэл олгох зорилготойгоор тууштай 11 жил ажиллаж ирлээ. Мэдээллийн солилцоо улам хурдтай болсон энэ үед бид сайтаа улам сайжруулан утаснаас ороход хялбаршуулахаар хичээн шинэ хэлбэрээр \"үүд хаалгаа\" дахин нээж байна. Та бүхэн тавтай \"МОРИЛЖ\", таалан соёрхоно уу?


Дээшээ очих